बाँके, ५ माघ।
कति रक्सी पिउँदा ठिक छ? यति कि धेरै होश गुमाउनु हुँदैन? थोरै थोरै? वा पटक्कै पनि नाइँ !
पहिले यो विश्वास गरिन्थ्यो कि थोरै मात्रामा रक्सी पिउँदा धेरै हानि गर्दैन । तर अहिले यो धारणा बदलिएको छ । हालै विश्व स्वास्थ्य संगठनले थोरै मात्रामा पनि रक्सी स्वास्थ्यका लागि हानिकारक हुने बताएको थियो ।
हालै क्यानडामा जारी गरिएको नयाँ निर्देशिकामा यो पनि भनिएको छ कि जतिसुकै मदिरा सेवन गरे पनि कम वा धेरै स्वास्थ्यका लागि हानिकारक हुन्छ । करिब ९० पृष्ठको यो प्रतिवेदनलाई क्यानडाको स्वस्थ विभागले आर्थिक सहयोग गरेको छ । यसका अनुसार जोखिमबाट बच्ने एक मात्र उपाय रक्सी नपिउनु हो ।
यसअघि २०११ मा, निर्देशनमा महिलाका लागि हप्तामा अधिकतम १० र पुरुषका लागि १५ वटा पेयपदार्थ पिउनुपर्छ भनिएको थियो । यो नयाँ निर्देशिकामा मदिरा सेवनबाट के र कसरी हानि हुन सक्छ भन्ने कुराको विस्तृत व्याख्या गरिएको छ । यसका अनुसार हप्तामा दुईभन्दा बढी मानक पेयपदार्थ पिउनाले स्तन र पेटको क्यान्सरलगायत धेरै कुराको जोखिम बढाउँछ । क्यानाडामा लगभग ८० प्रतिशत वयस्कहरूले रक्सी पिउने गर्छन् ।
