सामसङ्गले Samsung DeX मार्फत एन्ड्रोइडमा डेस्कटप-अप्टिमाइज्ड मोडको सुरुवात गर्यो। यसले गर्दा प्रयोगकर्ताहरूलाई आफ्नो फोनलाई अस्थायी पीसीमा रूपान्तरण गर्न सजिलो भयो । गुगलले पनि यसको नक्कल गर्दै फोनहरूका लागि Samsung DeX-जस्तै डेस्कटप मोडको परीक्षण गरिरहेको छ। यो मोड ट्याब्लेटको स्क्रीनमा सीधै चल्न सक्छ। एन्ड्रोइड १५ बीटा ४.१ मा डेस्कटप मोड अनलक गरेपछि Recents Menu मा ‘डेस्कटप’ बटन देखिन्छ । यसले एपहरूलाई फ्रीफर्म विन्डोमा बदलिदिन्छ। यसलाई अधिकतम गर्न, सार्न, वा पुनःआकार गर्न सकिन्छ। यो UI सामसङ्गको DeX मोडसँग मिल्दोजुल्दो छ। यसमा एक छुट्टै टास्कबार हुन्छ। ट्याब्लेट-अप्टिमाइज्ड एपहरू दुई-प्यान मोडमा खुल्छन्। किबोर्ड र माउसको प्रयोग गरेर यसलाई राम्ररी चलाउन सकिन्छ । गुगलको डेस्कटप मोड अहिले सामसङ्ग DeX जति परिष्कृत छैन। एन्ड्रोइड १५ सार्वजनिक हुँदा यसलाई अझ राम्रो बनाउने बताइएको छ । यस्तो प्रतिस्पर्धाले प्रयोगकर्तालाई निश्चित रुपमा फाइदा पुग्ने छ ।
